LIGJET E BIZNESIT
Inteligjenca artificiale u pa si një lehtësim për shekullin XXI, me komoditetet që ofronte në informacion, krijim dhe si motor kërkimi në shumë fusha të jetës. Mirëpo përdorimi pa fre i teknologjisë hap një dritare të re rreziku, cenimin e të dhënave personale dhe informacion pa u konsultuar me profesionistët e fushës.
E atëherë kur mendohej se inteligjenca artificiale do të shkrinte shumë profesione, del në pah që ky gjenerator informacioni dhe krijimi ka nevojë të rregullohet nëpërmjet disa rregullave strikte, shkruan A2 CNN. “Pikat kryesore janë në 4 drejtime, ato me risk shumë të lartë, ose me risk të papranueshëmn, në të cilat synohet të mos cenohen të drejtat e njeriut dhe privatësia. Pika e dytë është ajo me risk të lartë, zbatimi i inteligjencës artificiale në shëndetësi, energjetikë, transport, banka.. Duhet patjetër që të ketë një profesionist. Pika e tretë është ajo me risk të ulët, ku i kërkohet përdoruesve të deklarojnë përdorimin e inteligjencës artificiale”, thotë Hatixhe Bilibashi, eksperte për teknologjinë.
Në Shqipëri inteligjenca artificiale, ashtu si kudo në botë, mori një përdorim të gjerë, që nga studentët, te profesionistët e deri te institucionet më të larta shtetërore. Por shqiptarët vijojnë të bëjnë një gabim në përdorimin e saj.
Në shumë vende të botës inteligjenca artificiale ka shkurtuar vende pune, ka hapur dimensione të reja për mënyrën e funksionimit të kompanive, por sërish ekspertët mendojnë se burimet njerëzore janë të pazëvendësueshme dhe teknologjia mund të jetë ndihmëse e tyre në shumë profesione./A2 CNN
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
