LIGJET E BIZNESIT
Që pensionistët janë shtresa më e varfër e popullsisë kjo nuk diskutohet më. Për këtë mjafton të shohësh rradhët e gjata që ata kanë mbajtur përpara zyrave të Postës Shqiptare, për të marrë indkeismin e pensioneve me 2.5% që ka bërë qeveria e që shpërndarja ka nisur soyt.
Sic duket edhe nga fotot e siguruara nga Fast News Economy, shumë prej tyre presin jashtë zyrave të Postës, të mbushura plot në ambientet e brendshme. Disa të ulur në trotuar prej orësh, në pritje që t’iu vijë rradha.
Por sa marrin shtesë me këtë indeksim?
Jo më shumë se 475 lekë për pensionet në qytet dhe 225 lekë në ato në fshat. Në kaq para përkthehet indeksimi me 2.5% i pensioneve. Të dhënat nga Instituti i Sigurimeve Shoqërore tregojnë se nga 19 mijë e 39 lekë aktualisht, pensioni mestar urban rritet në 19 mijë e 514 lekë. Edhe më pak rriten pensionet në fshat… me vetëm 225 lekë. Nga 8 mijë e 966 lekë aktualisht, pensioni mestar rural bëhet 9 mijë e 191 lekë.
Të njëjtat sasi parash më shumë do të marrin edhe përfituesit e pensionit të invaliditetit. .. 475 lekë në qytet dhe 225 lekë në fshat. Kjo për shkak se edhe pagës e këtyre kategorive është gati e njëjtë me masën mesatare të pensionit urban dhe atij rural.
Nga indeksimi me 2.5 për qind përfitojnë edhe kategoritë e tjera përfituese siç janë pensionistët familjarë. Ata që jetojnë në qytet do të marrin 230 lekë. Nga 9 mijë e 161 lekë aktualisht, pensioni mesatar familjar urban bëhet 9 mijë e 391 lekë. Ndërsa nga 1 mijë e 771 lekë aktualisht, pensioni mesatar familjar rural bëhet 1 mijë e 815 lekë.
