LIGJET E BIZNESIT
Taksat e automjteve tani mund të paguhen edhe përmes aplikacionit dhe portalit qeveritar e-Albania. Ky shërbim i ri do të ofrohet Drejtorisë së Përgjithshme të Shërbimeve të Transportit Rrugor. “Sigurisht nën moton dhe projektin tonë “Vëmendja tek qytetarët”, duke filluar nga sot 30 shtator, DPSHTRR, në bashkëpunim me AKSHI-n dhe e-Albanian sjellin risi pagesën online të taksave të automjeteve, nëpërmjet portalit e-Albania.
Që do të thotë në parim, kursim ecejakesh të qytetarëve apo subjekteve, rrugën nga puna e tij, deri në ambientet tona, në drejtoritë rajonale, dhe kjo në një përllogaritje kursen rreth 57 mln lekë të reja. Kjo risi shkon përrreth 157 mijë drejtues mjetesh, gjithashtu kursen rreth 4.7 milionë km, pra ecejake DPSHTRR, DSHTRR dhe ambienti ku ai mund të punojë, pra është një mesatare e tillë. Dhe gjithashtu, rreth 331 mijë litra karburant. Është një lehtësi mjaft e madhe, kursim financiar, në kohë dhe kursim në çdo aspekt tjetër të jetës së qytetarit,” thotë Endri Haxhiu, Drejtor DPSHTRR.
Por cilat janë hapat për të bërë pagesën e taksave të automjeteve përmes e-Albanias?
“Qytetari mjafton të ketë aplikacionin e-albania në kompjuter apo telefonin e tij, të identifikohet si përdorues, të shkoj te hapësira paguaj taksat e mia, pra gjithmonë nëse është pronari i mjetit apo i mjeteve, si qytetar po ashtu edhe subjekt dhe të ndjek të gjitha hapat e nevojshme deri në finalizimin online në kohë reale të pagesës së taksave. Kjo është një risi shumë e madhe, një lehtësi shumë e madhe për qytetarët”, tha ai.
Ndërkohë Drejtoria e Përgjithshme e Shërbimeve të Transportit Rrugor, thekson se do të vijojë bashkëpunimin me të gjithë sektorin bankar për të sjellë edhe më shumë hapësira në procesin e pagesave, si dhe aksesin në shërbimet digjitale, me të gjitha bankat e nivelit të dytë në Shqipëri.
