LIGJET E BIZNESIT
Eksportet shqiptare kanë pasur një ecuri pozitive këtë vit, pavarësisht problemeve me zhvlerësimin e euros dhe fuqinë punëtore. Por në gusht, rritja është ndalur dhe eksportet janë future sërish në spirale rënëse.
Sipas të dhënave të Institutit të Statistikave, muajin e kaluar eksportet e mallrave arritën vlerën 25 miliardë lekë, duke u rritur me 12,9 %, në krahasim me të njëjtën periudhë të një viti më parë dhe duke u ulur me 27,9 %, në krahasim me muajin korrik 2025. Importet e mallrave arritën vlerën 67 mld lekë, duke u ulur me 2,7 %, në krahasim me një vit më parë dhe me 19,6 %, në krahasim me muaji Korrik 2025. Deficiti tregtar i këtij muaji është 42 mld lekë, duke u ulur me 10,2 %, krahasuar me Gusht 2024 dhe me 13,5 %, në krahasim me Korrik 2025.
Në këtë tetëmujor eksportet e mallrave arritën vlerën 264 mld lekë, duke u rritur me 3,5 %, ndërkohë importet e mallrave arritën vlerën 582 mld lekë, duke u ulur me 2,1 %, krahasuar me një vit më parë. Deficiti tregtar arriti vlerën 318 mld lekë, duke u ulur me 6,4 %, krahasuar me të njëjtën periudhë të 2024.
Kontributi i grupeve kryesore në ndryshimin vjetor të eksporteve:
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Gjatë muajit Gusht 2025, në rritjen e eksporteve prej 12,9 %, pozitivisht kanë ndikuar grupet: “Minerale, lëndë djegëse, energji elektrike” me +18,9 pikë përqindje, “Makineri, pajisje dhe pjesë këmbimi” me +1,5 pikë përqindje, etj. Negativisht kanë ndikuar grupet: “Materiale ndërtimi dhe metale” me -6,7 pikë përqindje dhe “Produkte kimike dhe plastike” me -0,6 pikë përqindje, etj.
Eksportet, gjatë këtij tetëmujori janë rritur me 3,5 %, krahasuar me një vit më parë. Grupet që kanë ndikuar në rritjen vjetore të eksporteve, janë: “Minerale, lëndë djegëse dhe energji elektrike” me +10,0 pikë përqindje, “Ushqime, pije, duhan” me +1,1 pikë përqindje, etj. Ndërsa negativisht kanë ndikuar grupet: Materiale ndërtimi dhe metale” me -6,4 pikë përqindje dhe “Produkte kimike dhe plastike” me -0,7 pikë përqindje“, etj.
