LIGJET E BIZNESIT
Teksa tregu i punës në Shqipëri ka deformime të forta, për shkak të mospërputhjes së kërkesës me ofertën dhe shumë industry sot kërkojnë punëtorë, rezulton se 24.3% e popullsisë është jashtë këtij tregu. Instituti i Statistikave ka publikuar shifrat për vitin 2024, ku konstaton se 24.3 % e popullsisë që i përket grupmoshës 15-64 vjeç është ekonomikisht jo-aktive. Struktura e popullsisë jashtë forcave të punës është e dominuar nga nxënësit/studentët (36,1 %). Në këtë grup-moshë, pjesa që zënë personat e papunë, të cilët nuk po kërkojnë punë për arsye se besojnë se nuk ka punë të disponueshme, është 4.2 %.
Për meshkujt e moshës 15-64 vjeç ekonomikisht jo aktivë, 4.7 % janë të papunë të dekurajuar, 47.6 % janë nxënës/studentë ose në trajnim të mëtejshëm, 3.5 % në pension ose pension të parakohshëm.
Ndërsa, për femrat e moshës 15-64 vjeç ekonomikisht jo aktive, 3.9 % janë të papunë të dekurajuar, 29.7 % janë nxënës/studentë ose në trajnim të mëtejshëm, 16.2 % në pension ose pension të parakohshëm dhe 24.9 % e tyre janë duke përmbushur detyrat shtëpiake.
