Dado nga Filipinet e punëtorë nga Irani, rritet numri i të huajve në Shqipëri

Rritet numri i të huajve që zgjedhin Shqipërinë për të qendruar. Të dhënat e fundit të Institutit të Statistikave tregojnë se në fund të vitit 2024, numri i të huajve me leje qëndrimi në vendrezultoi 21.940, duke pësuar rritje me 2,2 % krahasuar me vitin e kaluar.

Statistikat tregojnë se 61.9 % e të huajve me leje qëndrimi dominohet nga meshkujt, kundrejt femrave me 38,1 %. Grupmosha më e përfaqësuar është ajo 30–39 vjeç, me 24,6 % të të huajve gjithsej. Numri i aplikimeve për leje qëndrimi në Shqipëri, në vitin 2024 shënoi rritje prej 6,0 %, krahasuar me vitin 2023;

Sipas INSTAT, shtetasit nga Italia dhe India përbëjnë 28,8 % të aplikimeve. Evropa zë pjesën më të madhe me 65,5 % (14.367 persona me leje qëndrimi), duke shënuar një rënie prej 5,6 %, krahasuar me 2023. Azia ka shënuar rritje të ndjeshme me 20,1 % (4.545 persona). Amerika, Afrika dhe Oqeania rritje me 23,4 % (3.028 persona). Të huajt me origjinë nga Kosova, Italia dhe Turqia përbëjnë numrin më madh të të huajve me leje qëndrimi në Shqipëri.

Punësimi është arsyeja kryesore: 54,3 % e lejeve të qëndrimit ndjekur nga: o bashkimi familjar: 24,5 %; o arsye të tjera: 16,3 %; o studimi: 4,0 %; o qëllime humanitare: 0,9 %.

Sipas të dhënave të INSTAT-it, në 2024 u identifikuan 1.540 të huaj të parregullt në territorin e Shqipërisë, duke shënuar një rënie të konsiderueshme, krahasuar me 6.630 në vitin 2023.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern