Euro në minimumin e 97.4 lekëve, cfarë pritet të ndodhë në vijim?

Euro po shënon minimume historike thuajse cdo ditë, duke sinjalizuar se fundi i saj është ende i panjohur. Valuta e fortë vështirë të konsiderohet më si e tillë, përballë dibnamikave të shumta që po kushtëzojnë ecurinë e kursit të këmbimit.

Në kulmin e sezonit turitik, me prurje të shumta valutore, kryesisht në euro, monedha europiane ka zbritur në 97.5 lekë. Krahasuar me të njëjtën periudhë të një viti më parë, euro shkëmbehet me 2.8 lekë më pak. Ashtu sic duket qartazi edhe nga grafiku, rënia e euros ka qenë e vazhdueshme dhe e pandalshme.

Një situatë që në fakt vijon prej mëse dy vjet e gjysmë dhe që ka vendosur në vështirësi serioze kryesisht eksportuesit, si fasonistët, por edhe familjet që marrin të ardhura nga emigrantët.

Në vitin 2022, euro shkëmbehej me më shumë se 120 lekë, teksa ra në 100 lekë në vitin 2024, e tashmë ka zbritur nën 98 lekë, duke humbur më shumë se 22 lekë në harkun kohor të 4 viteve, teksa fundi nuk dihet ende. Duke pasur parasysh përdorimin masiv të monedhës europiane në ekonominë tonë, rënia e fortë e saj ka pasur pasoja në sistemin financiar, tek bizneset dhe tek familjet shqiptare.

Por euro pritet të mos jetë në pozita të qeta as në muajt në vijim.

Kjo duke pasur parasysh faktorët që do të kushtëzojnë ecurinë e saj, si sezoni turistik, i cili është zgjatur përtej periudhës së veës; situata gjeopolitike me disa konflikte aktive aktualisht; si dhe nisja e punës së qeverisë së re në shtator, ku pritet edhe një përshpejtim i fluksit të investimeve publike.