LIGJET E BIZNESIT
Këtë vit sezoni turistik po karakterizohet nga dinamika të forta. Në korrik, numri i shtetasve të huaj që kanë hyrë në Shqipëri ka pësuar një rritje thuajse të papërfillshme kundrejt një viti më parë, ndëkohë që numri i shqiptarëve që kanë dalë jahstë vendit është rritur ndjeshëm.
Instituti i Statistikave konstaton se muajin e kaluar, numri i shtetasve të huaj që kanë hyrë në territorin shqiptar është 1.825.490. Ky numër është rritur me 0.4 %, krahasuar me të njëjtën periudhë të vitit të kaluar.
Në po këtë periudhë, 782.849 shtetas shqiptarë numërohen të kenë dalë nga territori i Shqipërisë, duke shënuar rritje me 11,1 %, krahasuar me korrikun 2024.
Muajin e kaluar, 95 % e hyrjeve të shtetasve të huaj në Shqipëri janë nga rajoni i Evropës. Evropa Jugore zë 68 % të hyrjeve të shtetasve të huaj nga kontinenti Evropian, ndjekur nga Evropa Perëndimore me 12 % dhe Evropa Qendrore/Lindore me 10%.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Qëllimi i hyrjes në territorin shqiptar i shtetasve të huaj, në 99 % të rasteve është për qëllime personale. Në Korrik 2025, ky tregues ka shënuar një rritje me 0.2 %, krahasuar me korrik 2024. Hyrjet e shtetasve të huaj për qëllime biznesi dhe profesionale janë rritur me 15.6 %.
