Konkurset në universitete, garë e fortë mes të rinjve për Arkitekturën dhe Mjekësinë

Maturantët kanë mbyllur aplikimet për shkollat e larta dhe janë në pritje të rezultateve nga Universitetet. Por ka ende kohë deri në shpalljen e listave të fituesve, pasi  në disa degë do të aplikohen edhe testime shtese.

Konkursi për Arkitekturën pritet të sjellë në Tiranë, më 20 gusht, me qindra të rinj të cilët do të konkurrojnë mes tyre për këtë program studimi.

Rektori i Universitetit Politeknik Akli Fundo, tregon për rëndësinë e testimit për përzgjedhjen e më të mirëve.

Mjekësia e Përgjithshme është një tjetër program studimi që për të tretin vit do të zhvillojë testin elektronik për përzgjedhjen e kandidateve fitues.

Konkursi do të zhvillohet në Tiranë pranë Qendrës së Shërbimeve Arsimore, ndërsa datat pritet të shpallen brenda kësaj jave.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Testime shtesë do të zhvillojë edhe te Universiteti i Sporteve dhe ai i Arteve. Me përfundimin e konkurseve, shkollat e larta përllogaritin rezultatet e kandidateve për të shpallur më pas listat e fituesve në fund të muajit gusht.

Duket se edhe këtë vit të rinjtë janë orientuar nga degët më të kërkuara jo vetëm nga tregu vendas por edhe ai i huaj. Kryesojnë programet e IT, inxhinieritë dhe degët e shëndetësisë./A2 CNN