LIGJET E BIZNESIT
Projektligji “Për Statutin e Shoqërisë Evropiane” vjen si nevojë për të ndihmuar kompanitë shqiptare të adaptohen me sfidat e integrimit europian. Qeveria ka hedhur për konsultim publik draftin, që synon të sjellë disa përparësi strategjike dhe adresimin e problematikave ekzistuese. Së pari, përparësia kryesore e kësaj ndërhyrjeje është forcimi i harmonizimit ligjor me acquis communautaire të Bashkimit Evropian në fushën e së drejtës së shoqërive tregtare. Mungesa e deritanishme e dispozitave mbi Shoqëritë Evropiane e vendos Shqipërinë në pozitë jo të favorshme krahasuar me vendet e BE-së, pasi krijon boshllëk në harmonizimin me Kapitullin 6 dhe pengon shoqëritë tona të shfrytëzojnë mundësitë e ofruara nga kjo formë juridike.
Transpozimi i Rregullores SE dhe Direktivës së përfshirjes së punonjësve do të përmbushë një detyrim integrues dhe do të mbyllë një nga mangësitë e identifikuara në raportet e progresit të Komisionit Evropian. Njëkohësisht, përparësi kombëtare është rritja e konkurrueshmërisë dhe tërheqja e investimeve: duke mundësuar krijimin e Shoqërive Evropiane në Shqipëri, bizneset vendase do të kenë një instrument ligjor më shumë për t’u zgjeruar në tregjet e huaja, ndërsa grupet ndërkombëtare do ta kenë më të lehtë të vendosen në Shqipëri në formën e një shoqërie së bashkuar evropiane.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
