Bujqësia shqiptare do të ketë më fund të dhëna të sakta mbi ecurinë e sektorit, por edhe problemet që e rëndojnë. Qeveria ka vendosur të realizojë Censin e Bujqësisë, që do të kontribuojë në sigurimin e të dhënave bazë të qëndrueshme në kohë, në përcaktimin e tipologjisë së fermës dhe madhësisë ekonomike të saj, krijimin e regjistrit statistikor të njësive ekonomike bujqësore dhe përgjithësimin e rezultateve të arritura në nivel rajonal dhe kombëtar bazuar në kriteret metodike të rekomanduara nga Eurostat.

Objektivat që synohen të arrihen nëpërmjet këtij projektligji janë:

1. të sigurohet informacion i përgjithshëm dhe i hollësishëm për të gjitha njësitë ekonomike bujqësore, brenda territorit të Republikës së Shqipërisë;
2. të ofrohen të dhëna të besueshme statistikore, të nevojshme për planifikimin dhe vënien në zbatim të politikave të përgjithshme të zhvillimit ekonomik bujqësor në Republikën e Shqipërisë;
3. të krijohet regjistri statistikor i njësive ekonomike bujqësore.

https://konsultimipublik.gov.al/documents/RENJK_854_1.-Projektligj-per-Censin-e-Bujqesise-konsultimi-publik-30.7.2025-DraftFinal.doc

https://konsultimipublik.gov.al/documents/RENJK_854_2.Relacion-shoqerues-konsultim-final-30.7.2025-DraftFinal.doc