LIGJET E BIZNESIT
Ne jemi një kulturë e cila ka dëshirë të besojë në fantazi dhe funde të lumtura, si shumë përralla klasike. Në realitet, jeta është e vështirë dhe nganjëherë brutale. Shumë njerëz kanë vështirësi t’ia dalin dhe të paguajnë faturat e tyre. Ajo që duhet të bëni është të ndryshoni mënyrën e të menduarit.
Më shokon se sa njerëz janë disi të befasuar kur kuptojnë realitetet e vështira të jetës dhe biznesit. Këtu është një këshillë e rëndësishme të cilën duhet t’a mbani në mend çdo ditë: Ju duhet të kërkoni mundësi gjatë gjithë kohës. Shumë njerëz nuk kanë qëllime të cilat janë mjaftueshëm të mëdha, kështu që ata përfundojnë duke u ndjerë të mashtruar dhe të shokuar nga padrejtësitë e botës. Përderisa bota mund të jetë një vend i vështirë, juve me siguri iu kanë thënë se është e padrejtë. Mirëpo, jeni ju i cili e keni nën kontroll fatin tuaj. Ju mund të shkruani kapitullin tuaj të fundit.
Për të ju ndihmuar të përgatiteni, këtu janë disa mësime brutale të cilat më kanë ndihmuar të ndryshoj lojën gjatë tërë jetës time.
- Suksesi përtej bazave kërkon punë të rëndë, dedikim dhe përkushtim. Ju keni nevojë për më shumë se nevojat bazike për të arritur sukses.
- Ju keni nevojë për më shumë para. Kjo do të thotë më shumë të ardhura, më shumë kursime dhe më shumë investime.
- Jeta nuk është e drejtë dhe as biznesi nuk është. Ju mund të bëni të gjitha gjërat e duhura dhe ende të mos shihni rezultate. Jeta është e mirë për disa, e tmerrshme për shumicën dhe e mrekullueshme për një grumbull njerëzish.
- Botës nuk i intereson nëse arrini sukses apo dështoni. Ka më shumë njerëz kundër jush sesa me ju. Përgatituni të dëshpëroheni dhe të tradhtoheni.
- Gjërat e këqija iu ndodhin njerëzve të mirë dhe kjo do ju ndodhë edhe juve. Gjithçka për të cilën keni punuar mund të zhduket menjëherë.
- Pavarësisht të gjitha problemeve të konkurrencës, ekonomisë, divorcit, ju jeni pengesa juaj më e madhe.
- Juve nuk iu ka askush borxh, nuk keni të drejtë për asgjë dhe nuk meritoni asgjë të cilën nuk e keni fituar.
- Ju nuk mund të bëni atë që dëshironi. Ju duhet të jeni të gatshëm të bëni gjërat të cilat nuk dëshironi t’i bëni.
- Mësoni se si të shisni, pavarësisht se sa e urreni atë. Në jetë ju nuk fitoni atë që e meritoni, ju fitoni atë që kërkoni.
- Ju gjithmonë do të punoni për dikë. Pavarësisht pozitës tuaj, nuk do të punoni vetëm për veten tuaj. Ju duhet të kënaqni të tjerët pavarësisht se a janë konsumatorët, punonjësit apo aksionarët tuaj.
- Është koha të krijoni liri dhe të ndaloni së u pajtuari vetëm me nevojat bazë. Është koha të rriteni dhe të përballeni me faktet. Bota nuk është një përrallë, është brutale, e padrejtë dhe shumica nënvlerësojnë se çfarë iu duhet për t’u kujdesur për veten dhe familjet e tyre. Mësoni nga këto mësime jetësore dhe asnjëherë mos u pajtoni me mesataren.
