LIGJET E BIZNESIT
Importuesit mbështesin qëndrimin e e kryeministrit Edi Rama për një ndërhyrje të mundshme në sektorin e naftës. Nëpërmjet një deklarate për shtyp, Konfindustria vlerëson se kjo nismë është e mirëpritur, ndonëse e vonuar.
“Deri mës sot nismat politike për rregullimin e funksionimit të tregut të karburanteve kanë dështuar, duke shrehur korrupsionin e kapjes së shtetit/”state capture” nga lobi i kompanive të karburanteve. Njëkohësisht, mbetemi në pritje të sqarimeve nga ekzekutivi sesi është menduar të zbatohet në praktikë nisma në fjalë”, thekson Konfindustria.
Ndërkohë Shoqata e Hidrokarbureve që mbron interesat e kompanive të karburanteve thekson se industria nuk është përfshirë në asnjë proces konsultimi dhe nuk ka informacion zyrtar mbi natyrën e ndërhyrjes që qeveria planifikon të ndërmarrë.
Deklarata e kryeministrit vjen në një kohë kur çmimet e karburanteve në Shqipëri mbeten ndër më të lartat në rajon, pavarësisht rënies së çmimit të naftës në bursat ndërkombëtare. Një situatë që ka ngjallur kritika të forta në opinionin publik dhe kërkesa për transparencë më të madhe në formimin e çmimit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
