Më në fund të dhëna të sakta për fermerët, INSTAT përgatitet për Censin e Bujqësisë

Pas përmbylljes së Censit të Popullsisë dhe Banesave në vitin 2023, Instituti i Statistikave po përgatitet për Censin e Bujqësisë. Projektligji është nxjerrë për konsultim publik, ndërsa synimi është që ky cens të mbulojë të gjitha njësitë ekonomike që përdorin tokë bujqësore ose që kryejnë aktivitete bujqësore dhe blegtorale brenda territorit të Republikës së Shqipërisë.

Nga ana financiare, ky proces pritet të kushtojë rreth 891 milionë lekë. Mbi gjysmën e kësaj shume, ose 475 milionë lekë, do të përdoren për pagesën e burimeve njerëzore, ku përfshihen anketues, kontrollorë, specialistë IT dhe staf mbështetës në fushat e financës, ligjit dhe logjistikës.

Shpenzimet për udhëtime dhe monitorime në terren janë planifikuar në vlerën 17 milionë lekë.

Ky Cens i Bujqësisë është një nga proceset më të rëndësishme statistikore në vend, i cili do të sigurojë të dhëna të sakta dhe të përditësuara për sektorin bujqësor dhe blegtoral, duke ndihmuar në hartimin e politikave zhvillimore dhe menaxhimin më të mirë të burimeve rurale në Shqipëri.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern