Rritje e fondeve për sigurinë deri në 5% e PBB? Ja sa kemi paguar deri më tani

Samiti i një dite më parë në Hagë vendosi për rritjen në 5% të shpenzimeve ushtarake të NATO-s, një vendim që u mbështet thuajse nga të gjitha vendet, me përjashtim të Spanjës. Kjo do të thotë se edhe Shqipëria duhet të rrisë deri në këtë kufi financimet që jep si vend anëtar i këtij organizmi. Por sa ka dhënë deri më tani Shqipëria për sigurinë?

Shqipëria jep financime për mbrojtjen 2% të Produktit të Brendshëm Bruto, një shifër që ka ardhur në rritje vitet e fundit. Sic duket edhe nga grafiku, financimet kanë qenë në nivelin 1.4% të PBB vitet 2013 dhe 2014 dhe u tkurrën më pas, duke arritur edhe deri më 1.1%. Pati një rritje të ndjeshme në vitin 2023 në 1.7% të PBB-së dhe në dy vitet pasues deri në 2% të Produktit të Brendshëm Bruto.

Vendimi për të rritur financimet për shpenzimet ushtarake të NATO-s ndodh në një kohë kur situate gjeopolitike është e tensionuar nga një luftë Rusi-Ukrainë që vijon që prej vitit 2022, paralelisht me konflikte të tjera, si ai Izrael-Iran.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern