Publikohet lista e pagave indikative për sektorin e turizmit, ja sa do të marrin sipas pozicionit

Administrata Tatimore ka publikuar listën e pagave indikative për sektorin e turizmit. Sipas listës, paga minimale për kamarierët në restorante, bare dhe hotele nuk duhet të jetë më pak se 70 000 lekë në muaj.

Pagat referencë fillojnë nga 55 000 lekë për pozicione si punëtor pastrimi plazhi apo roje parkimi dhe arrijnë 130 000 deri në 140 000 lekë për kryekuzhinierët, shefat e pastiçerive apo pozicioneve të tjera të larta në zinxhirin e shërbimit.

Profesionet e përfshira në listë përfshijnë: arkëtarë, banakierë, kamarierë, pastiçierë, roje plazhi, ndihmës kuzhinierë, punonjës mirëmbajtjeje dhe shumë të tjerë.

Sipas Tatimeve, tatimpaguesit që deklarojnë paga nën nivelin referencë për profesionin përkatës do të konsiderohen me risk të lartë dhe do t’i nënshtrohen kontrolleve të thelluara nga Administrata Tatimore.