Paqartësitë e kursit të këmbimit, fakorët që po rrëzojnë euron. Sa pritet të zbresë?

Nga Aurora Sulce, Producente Ekzekutive për Biznesin në A2 CNN

Euro ka kaluar ditë të vështira së fundmi, duke sinjalizuar se edhe muajt e ardhshëm do të vijojnë të jenë të tillë. Që prej javës së kaluar, monedha europiane zbriti për herë të parë nën kuotën e 98 lekëve.

Kjo javë gjithashtu është celur në rënie për euron, e cila shkëmbehet sipas kursit zyrtar të Bankës së Shqipërisë me 97.9 lekë. Kundrejt të njëjtës periudhë të një viti më parë, monedha europiane ka rënë 2.5 lekë. Ashtu sic duket qartazi edhe nga grafiku, dobësimi i euros ka qenë i vazhdeshëm dhe i pandalshme.

Një situatë që në fakt vijon prej mëse dy vjet e gjysmë dhe që ka vendosur në vështirësi serioze kryesisht eksportuesit, si fasonistët, por edhe familjet që marrin të ardhura nga emigrantët.

Në vitin 2022, euro shkëmbehej me më shumë se 120 lekë, teksa ra në 100 lekë në vitin 2024, e tashmë ka zbritur nën 98 lekë, duke humbur më shumë se 22 lekë në harkun kohor të 4 viteve, teksa fundi nuk dihet ende. Duke pasur parasysh përdorimin masic të monedhës europiane në ekonominë tonë, rënia e fortë e saj ka pasur pasoja në sistemin financiar, tek bizneset dhe tek familjet shqiptare.

Por euro pritet të mos jetë në pozita të qeta as në muajt në vijim.

Kjo duke pasur parasysh faktorët që do të kushtëzojnë ecurinë e saj, si sezoni turistik; situata gjeopolitike me konfliktet, ku i fundit është ai pas sulmeve të Izraelit mbi Iral dhe nisja e punës së qeverisë së re në shtatot, ku pritet edhe një përshpejtim I fluksit të invetsimeve publike.