Maturantët me provime. Por më pas, si i zgjedhin degët e studimit?

Nga Aurora Sulce, Producente Ekzekutive për Biznesin në A2 CNN

Maturantët kanë nisur provimet dhe sfida e rradhës, me të cilën do të përballen është zgjedhja se cfarë do të bëjnë më pas: të vazhdojnë studimet në degën që duan dhe kanë pasion, në atë që është më premtuese në tregun e punës, të zgjedhin një arsim profesional apo të bëjnë dicka tjetër?

Pyetje që i bën cdo i ri në këtë fazë të jetës, një vendim tërësisht personal por që ka nevojë mbi të gjitha për informacion dhe orientim. Por si fillim, le të shohim shifrat.

Rezultojnë rreth 27 mijë maturantë në vitin akademik 2023-2024. Po kaq, ishte pak a shumë, edhe numri i atyre që iu nënshtruan të martën provimit të parë shtetëror, për gjuhën e huaj. Një shifër që ka ardhur duke u tkurrur në vite. Rezulton se në harkun kohor të 5 viteve, kemi rreth 5 mijë maturantë më pak.

Por cilat janë degët që preferohen më shumë nga të rinjtë, për të kuptuar edhe lidhjen me tregun e punës?

Më të preferuarat, me numrin më të madh të studnetëve janë: biznes, administrim dhe ligj; shëndet dhe mirëqënie, thënë ndryshe mjekësia; inxhinieri dhe ndërtim. Ndërkohë që më pak të preferuarat janë: shkencat natyrore, si dhe bujqësia.

Pak i preferuar mbetet edhe arsimi profesional, pavarësisht kërkesës shumë të lartë në tregun e punës për zanate. Të dhënat tregojnë se janë rreth 16 mijë nëxënës që ndjekim arsimin e mesëm profesional, një shifër që është në rënie të vazhueshme vitet e fundit.

Shifrat tregojnë se përzgjedhja e degës për studim është e orinetuar drejt profesioneve me pagat më të larta. Kështu, ndërsa preferohet më shumë ekonomiku, rezulton se pagat më të larta në treg i kanë ata që merren me aktivitete financiare; pasuar nga informacioni dhe komunikacioni, si dhe administrata publike. Ndërkohë që pagat më të ulëta i kanë ata që merren me bujqësi dhe ndërtim.