LIGJET E BIZNESIT
Tatimet nisin hetimet tek individët që nxjerrin fitime nga rrjetet sociale dhe nuk paguajnë taksa. Janë 100 individë/subjekte që janë vendosur në sitën e Drejtorisë së Hetimit Tatimor, për të ardhurat e përfituara nga platformat sociale siç janë Facebook; TikTok; YouTube; Instagram; Google; PayPal, ku nga verifikimet paraprake dyshohet për rreth 33 milionë euro të padeklaruara.
Pavarësisht se periudha kur janë gjeneruar këto të ardhura nuk është përcaktuar, mesatarisht rezulton që një individ apo subjekt të ketë siguruar përmes këtyre platformave afro 330 mijë euro, për të cilat nuk është paguar tatimi mbi të ardhurat.
Administrata Tatimore ka njoftuar më datë 29 mars, përmes rrjeteve sociale, që individët dhe subjektet të përmbushin detyrimet ligjore nëpërmjet vetëdeklarimit në DIVA 2024.
Drejtoria e Përgjithshme e Tatimeve, u bën apel tatimpaguesve që nuk kanë reaguar ende, të kryejnë sa më shpejt këtë detyrim, për të shmangur penalitete dhe masa të tjera që mund të sjellë një hetim i thelluar.
Në kuadër të strategjisë së përgjithshme 2024-2028, administrata taimore ka ndërmarrë hetime të thelluara në disa sektorë me synim rritjen e të ardhurave të deklaruara, vjeljen e tatimit mbi to dhe shmangien e evazionit fiskal.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Gjurmimi i mashtrimeve tatimore dhe kontrolli tatimor i përqëndruar tek tatimpaguesit, risqet dhe sektorët ekonomikë të cilët kanë gjeneruar humbje të konsiderueshme në buxhetin e shtetit janë elementë kyç të strategjisë që po zbatohet.
