Stresi në punë “përkthehet” në kosto – Pasojat në shëndetin mendor i kushtojnë BE-së mbi 100 mld euro në vit

Kostoja e stresit të lidhur me punën në Bashkimin Evropian shkon më shumë se 100 miliardë euro në vit, sipas një studimi të publikuar nga Instituti Evropian i Sindikatave.

Instituti identifikoi pesë faktorë psiko-sociale që mund të shkaktojnë sëmundje mendore. Këto përfshijnë stresin në punë, orët e gjata të punës, pasigurinë, disbalancën midis përpjekjes dhe shpërblimit, si dhe ngacmimin moral. Këto rreziqe mund të kenë pasoja tragjike, sipas të dhënave të disponueshme, që datojnë nga viti 2015.

“Rreth 6,000 vdekje nga sëmundja koronare e zemrës vinin nga ekspozimi ndaj rreziqeve psiko-sociale dhe më shumë se 5,000 vdekje ishin për shkak të vetëvrasjeve të shkaktuara nga depresioni”, shpjegojnë studiuesit.

Në të njëjtin vit, më shumë se 400,000 vjet jetë u humbën për shkak të sëmundjeve kardiovaskulare dhe depresionit, sipas raportit. “Këto janë vdekje të parandalueshme”, theksojnë autorët. Sipas institutit, 8% e sëmundjeve kardiovaskulare dhe 23% e rasteve të depresionit vijnë për shkak të këtyre rreziqeve.

Punëdhënësit paguajnë për depresionin

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Raporti është i pari që përcakton koston ekonomike jo vetëm të depresionit, por edhe të sëmundjeve kardiovaskulare, në veçanti sëmundjeve koronare të zemrës dhe goditjes në tru, të lidhura me faktorët psiko-socialë të punës, thotë instituti.

Në këtë tabelë, Franca, Belgjika, Finlanda, Irlanda dhe Holanda janë pesë vendet më të prekura për sa i përket kostos për 100,000 punëtorë. Kjo barrë financiare ndahet nga punëdhënësi dhe punëmarrësi, por ndonjëherë në mënyrë asimetrike.

“Për të dyja sëmundjet, zbuluam se barra më e rëndë ra mbi punonjësit, por edhe mbi punëdhënësit. Në veçanti, për sa i përket kostos së depresionit, mund të vlerësojmë se më shumë se 80% e kostos totale të depresionit lidhej me rreziqet psiko-sociale në punë. Kjo kosto u pagua nga punëdhënësit për shkak të reduktimit të produktivitetit, të shkaktuar nga sëmundja dhe mungesat,” shpjegojnë studiuesit.

Raporti përmend gjithashtu momentet kur punonjësit shkojnë në punë, por performojnë më pak për arsye shëndetësore, veçanërisht për shkak të shëndetit mendor.

Duke u bazuar mbi këto të dhëna, Instituti Evropian i Sindikatave i bën thirrje Komisionit Evropian të paraqesë një tekst për të forcuar parandalimin e këtij rreziku. Sipas institutit, kjo direktivë mbi shëndetin mendor duhet të ofrojë gjithashtu udhëzime për punëdhënësit dhe të përfshijë punonjësit në proces.