LIGJET E BIZNESIT
Dita e sotme përfaqëson një moment kyç për çdo qytetar shqiptar, pasi vendi po zhvillon zgjedhjet parlamentare, një proces që përcakton drejtimin politik për vitet në vijim. Kjo ditë me rëndësi të veçantë ka tërhequr gjithashtu vëmendjen e mediave ndërkombëtare, të cilat e kanë pasqyruar nga këndvështrime të ndryshme, duke e vënë Shqipërinë në fokus.
Al Jazeera ka publikuar një artikull të titulluar: “Shqipëria voton në zgjedhjet e përgjithshme, ndërsa kryeministri Edi Rama kërkon një mandat të katërt”. Në këtë artikull theksohet fakti se për herë të parë, edhe emigrantët shqiptarë kanë të drejtën të votojnë përmes postës. “Gati 3.7 milionë shqiptarë, përfshirë qindra mijëra që jetojnë jashtë vendit, kanë të drejtë vote. Për herë të parë, anëtarët e diasporës mund të hedhin votën e tyre me postë,” thuhet në artikull.
Reuters, nga ana tjetër, është ndalur te rivaliteti i fortë politik mes Edi Ramës dhe Sali Berishës. Në artikull theksohet se:
“Rama, në pushtet si kreu i Partisë Socialiste (PS) që nga viti 2013, është favorit për të fituar kundër rivalit të tij të vjetër, ish-kryeministrit Sali Berisha të Partisë Demokratike (PD), i mbështetur pjesërisht nga një rrjet me ndikim i ndërtuar gjatë 12 viteve në pushtet, një periudhë e fundit e rritjes së shëndetshme ekonomike dhe një imazh kryesisht popullor jashtë vendit.”
Ndërkohë, Euronews i ka kushtuar një analizë të veçantë kësaj dite zgjedhore, duke vënë në qendër premtimet e kryeministrit për integrimin europian:
“Partia Socialiste e Ramës thotë se mund të sigurojë anëtarësimin në BE brenda pesë vjetësh, duke iu përmbajtur një premtimi ambicioz, ndërkohë që përballet me kundërshtarët konservatorë me akuza publike dhe premtime konkurruese për rritje pagash.”
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
