PS fitoi/ A do mbahen premtimet për rritje pagash e pensionesh?

Partia Socialiste ka dominuar fuqishëm në zgjedhjet e 11 majit. Ndonëse rezultati përfundimtar ende nuk është certifikuar nga Komisioni Qendror i Zgjedhjeve, nga të dhënat e shpallura deri më tani, është vulosur që socialistët kanë fituar mandatin e katërt. Kjo do të thotë se pritet edhe realizimi i premtimeve që ata bënë gjatë fushatës elektorale. Le ti rikujtojmë se cilat ishin pikat kryesore të programit të PS-së.

Rama premtoi që në vitin 2030, që përkon me fundin e mandatit, pensioni minimal të shkojë 200 euro, ndërkohë që do të ketë rritje të mëtejshme të pagave. Paga mesatare do të jetë në vitin 2030 1 mijë euro, ndërsa paga mesatare në shtet 1200 euro.

Pak ditë para zgjedhjeve, Rama fali gjobat e 5 viteve të fundit. Ndërsa më herët premtoi paqen fiskale, në përpjekje për të krijuar një marrëdhënie të re me biznesin. Cfarë parashikon ajo?

Paqja fiskale ka tre shtylla kryesore. Ndërhyrjet do të bëhen tek tatimi i dakortësuar mbi fitimin mes biznesit dhe tatimeve; rishikimi i pasqyrave financiare dhe falja e detyrimeve dhe kamatvonesave.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Socialistët kanë premtuar një zhvillim të qendrueshëm të ekonomisë, i cili do të jetë baza për rritjen e pagave dhe pensioneve.

Ata parashikojnë një rritje mesatare ekonomike me 4% në vit, ndërkohë që biznesi i vogël do të mbetet i përjashtuar nga taksat, duke mos paguar TVSH dhe tatim fitim. Politikat ekonomike do të cojnë në një rënie të papunësisë me 2.8% në katër vitet e ardhshme.

Gjithashtu, janë evidentuar disa sektorë prioritarë, ku do të jetë edhe fokusi i politikave dhe investimeve publike.

Bëhet fjalë për turizmin; energjinë elektrike ku socialistët premtojnë se vendi do të shndërrohet në fund të mandatit të katërt në një eksportues neto; infrastrukturën, mbrojtjen dhe rritja e vëmendjes poër bujqësinë dhe furnzimin me ujë të pijshëm, ku përsëritet premtimi për 24 orë furnizim me ujë në ditë.

Më krijimin e qeverisë së re dhe konstitutimin e Kuvendit të ri në shtator, cështja që shtrohet është: a janë të realizueshme të gjitha këto premtime dhe a do t’i mbajë ato Partia Socialiste?!