Përfitimet nga Samiti, ga politikat për të rinjtë tek tregu i përbashkët

Nga Aurora Sulce, Producente Ekzekutive për Biznesin në A2 CNN

Ka nisur punimet Samiti i Tiranës, që ka mbledhur liderët europiane dhe investitorë të rëndësishëm nga e gjithë bota. Një samit, nga I cili Shqiperia pritet të ketë përfitime reale.

Por cfarë do të diskutohet konkretisht për ne?

Nga tre tryeza diskutimesh, dy janë për agendën e reformave dhe politikat për rininë. Për të frenuar emigracionin që në Shqipëri mbetet problem kryesisht tek të rinjtë, në fokus do të jenë programet e Bashkimit euroopian për Erasmus + për të mbështetur lëvizjen e kontrolluar. Gjitashtu, do të diskutohet financimi për skemat e praktikave profesionale, për të mbështetur tregun e punës. Gjithashtu, temë e tryezave të diskutimit do të jenë politikat për të përshpjetuar përfshirjen e Shqipërisë në tregun e përbashkët europian.

Vendi ynë është pjesë e planit të rritjes, që synon të mbështesë integrimin e të gjithë rajonit në Bashkimin Europian.

Janë në total 6 miliardë euro që do të jepen për vendet e Ballkanit Perendimor, ku Shqipëria pritet të përfitojë rreth 1 miliard euro.

Por cilët janë sektorët që do të mbështeten më shumë me financime në kuadër të planit të rritjes?

Bëhet fjalë për energjinë, infrastrukturën dhe zhvillimin e qendrueshëm, si shtyllat për vijueshmërinë e reformave dhe zhvillimin e ekonomisë deri në nivelet e nevojshme për të qenë pjesë e familjes europiane.