LIGJET E BIZNESIT
Ky vit ka nisur me një rënie të fortë demografike, rezultat i emigrimit të vazhdueshëm dhe të pandalshëm vitet e fundit. Të dhënat e Institutit të Statistikave tregojnë se në tremujorin e parë të këtij viti, lindjet shënuan rënie me 14.1% kundrejt të njëjtës periudhë të një viti më parë, ndërsa vdekjet me 5.8%, krahasuar me të njëjtin tremujor të vitit 2024. “Shtesa natyrore në tremujorin e parë të vitit 2025 ishte negative: -883 persona”, raporton INSTAT.
Ndërkohë për vitin 2024, shtesa natyrore e popullsisë rezultoi pozitive me +1.208 lindje më shumë se vdekje, por në rënie krahasuar me vitin 2023. Vitin e kaluar lindën 23.310 foshnje dhe u regjistruan 22.102 vdekje.
Të dhënat e detajuara tregojnë se në tremujorin e parë të këtij viti, më shumë lindje kanë ndodhur në qarkun e Tiranës (me 1.750), ndërsa qarku me më pak lindje është Gjirokastra (me 76). Të gjitha qarqet regjistruan rënie, krahasuar me tremujorin e parë të vitit 2024. “Rënia më e vogël është shënuar në Berat (−4.0%), ndërsa rënia më e madhe në Kukës (−22.9%)”, thekson Instituti i Statistikave.
Përsa u përket vdekjeve, në tremujorin e parë të këtij viti qarku me më shumë vdekje është Tirana ( me 1.423), ndërsa qarku me më pak vdekje është Kuksi (me 123). Krahasuar me tremujorin e parë 2024 rezulton rritje e vdekjeve në 2 qarqe dhe rënie në 10 qarqe. Rritja më e madhe është regjistruar në Shkodër (+4.3%) dhe rënia më e madhe në Dibër (−20.4%).
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
