LIGJET E BIZNESIT
Pabarazia e fortë në Shqipëri edhe tek makinat. Ndërsa në rrugët e Tiranë sheh automjete luksoze, që janë prodhim i viteve të fundit, një pjesë tjetër e mirë janë të vjetra me shumë vite pune.
Drejtoria e Përgjithshme e Shërbimeve të Transportit Rrugor ka publikuar të dhënat për periudhën janar- prill 2025 në lidhje me shërbimin e kontrollit teknik të mjeteve që qarkullojnë. Gjatë kësaj periudhe janë testuar 81.199 mjete, nga të cilat janë 87.05% e mjeteve të testura janë automjete 4+1 deri në 8+1 vende;
Ndërkohë, sipas shifrave të publikuara nga DPSHTRR 21,904 mjete kanë ngelur në testim ose 27% e totalit të mjeteve, duke ngritur shqetësime mbi gjendjen teknike të automjeteve në qarkullim. Kryesisht, arsyet e ngeljes lidhen me mangësi vizuale dhe funksionale 35%; probleme me sistemin e shkarkimit të gazrave 33%; defekte në sistemin e drejtimit 13% dhe defekte në sistemin e frenimit 19%.
Nga ana tjetër, pjesa më e madhe e kontrolleve 36% janë kryer pranë qendrës së Drejtorisë së Përgjithshme të Shërbimeve të Transportit Rrugor në Tiranë, duke reflektuar dhe pasqyruar fluksin më të lartë dhe përqendrimin më të madh të mjeteve në kryeqytet. Ndërsa, numri me numrin më të ulët të numrit të mjeteve të testuara e ka qarku i Gjirokastrës, me 1.552 mjete që i janë nështruar kontrollit teknik.
Një tjetër element i rëndësishëm që vihet re është dhe mosha e mjeteve në qarkullim. Gjatë periudhës janar- prill 2025 janë çregjistruar përgjithmonë 2.541 mjete me moshë mesatare 22 vjeçare. Ky indikator tregon domosdoshmërinë për rinovimin e flotës rrugore në vend.
Drejtoria e Përgjithshme e Shërbimeve të Transportit Rrugor gjithashtu thekson se ndalohen rreptësisht ndërhyrjet në odometër, modifikimet konstruktive dhe çdo manipulim tjetër, pasi këto praktika janë një kërcënim për sigurinë rrugore.
Gjithashtu, rezervimet për kontroll teknik qytetarët mund t’i kryejnë përmes portalit e-Albania.
