Kryeministri Edi Rama rendit objektivat e mandatit të katërt

Kryeministri Edi Rama, njëherazi kryetar i Partisë Socialiste, mbajti fjalimin e fitores përpara deputetëve të zgjedhur, por edhe atyre që nuk siguruan mandatin. Në fjalën e tij, kreu i socialistëve renditi 3 objektivat e mandatit të katërt, për të cilat duhet të punohet deri në shtator.

“Përpara se ta mbyll këtë fjalë të përbashkët, dua të prek një nevojë emergjente. Një bazë nisje të posaçme që rruga drejt finishit të jetë me shpejtësinë e duhur. Për këtë na duhet një volum pune deri në shtator dhe po prek shumë përciptas disa pika që t’i pasurojmë.

Akademia Politike duhet të hapë një sesion të posaçëm për të gjithë deputetët që hyjnë për herë të parë në Kuvend.
E dyta, duhet të organizojmë disa mbledhje të mëdha pune një apo dyditore me grupet kyçe të interesit dhe të flasim për sfidat e mandatit të 4.

Lista është hapur për propozime. Thelbi është që është një kohë e artë dhe është një nevojë jetike. Ta bëjmë shteruese dhe jam i bindur se do mësojmë shumë.

Nën udhëheqjen e drejtuesve politikë duhet të nisim menjëherë përgatitjen e hartave të veprimit për zhvillimin e qarqeve drejt Shqipërisë 2030 si dhe duhet të nisim paralelisht punën për zgjedhjet e ardhshme vendore.

Udhëheqësit politikë të nisin punën për zgjedhjet e ardhshme vendore. Ky mandat që sapo kemi marrë nuk është piedestal për t’i parë të tjerët nga lart poshtë. Edhe nuk e ekzagjeroj, projektohem 4 vite më pas, që ne të mos e kemi shpërblyer me fakte dhe rezultate këtë besim që morëm nga shqiptarët”,-tha Rama.