LIGJET E BIZNESIT
Nisur nga kërkesa e lartë e qytetarëve për të blerë banesa me kredi, cka automatikisht ekspozon jo vetëm ata, por edhe bankat ndaj risqeve, Banka e Shqipërisë ka vendosur kufizime për këtë lloj huaje. Guvernatori Gent Sejko ka bërë të ditur tavanet që do të zbatohen për kredinë për blerjen banesash.
“Vendosëm një tavan për kredinë që do të marrin qytetarët për të blerë shtëpi. Kemi vënë tavan për këstin e kredisë. Maksimumi i huasë në lekë do të jetë 85% për shtëpinë e parë dhe 80% për shtëpinë e dytë. Në valutë të huaj vlera e kredisë do të jetë 75% për shtëpinë e parë dhe 70% për shtëpinë e dytë. Është më e ulët për të shmangur rrezikun e kursit të këmbimit. Kësti ndaj të ardhurave si raport do të jetë në nivelin 40% për monedhën lekë dhe 35% për monedhën në valutë të huaj. Ndërsa për shtëpinë e dytë raporti do të jetë kësti i kredisë jo më shumë se 35% e totalit të të ardhurave dhe për kredinë në valutë sa 30% e totalit të të ardhurave”, u shpreh Sejko.
Këto deklarata të guvenatorit u bënë pas mbledhjes së Këshillit Mbikqyrës së BSH-së. Ky i fundit analizoi ecurinë e deritanishme të ekonomisë dhe vendosi të mbajë të pandryshuar normën bazë të interesit në nivelin e 2.75%
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
