LIGJET E BIZNESIT
Nga Aurora Sulce, Producente Ekzekutive për Biznesin në A2 CNN
Shqiptarët e shohin hapjen e një biznesi si një nga mënyrat më të mira të investimit. Kjo pavarësisht risqeve të tregut të brendshëm dhe atij të jashtëm, që vitet e fundit kanë qenë të pranishme.
Të dhënat tregojnë se gjatë vitit 2024, u regjistruan 17.500 subjekte të reja, duke e cuar në mbi 247 mijë numri i bizneseve aktive në të gjithë vendin.
Por në cilat qarqe u hapën më shumë subjekte të reja?
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Sipas të dhënat zyrtare, udhëheq Tirana, me më shumë se gjysmën e bizneseve të hapura gjithsej vitin e kaluar. E kuptueshme kjo për shkak se në kryeqytet është përqëndruar pjesa më e madhe e popullsisë dhe rrjedhimisht, konsumit, por edhe aktivitetit ekonomik në tërësi. Pas Tiranës, renditet Durrësi dhe Vlora. Ndërkohë që qarqet me numrin më të ulët të regjistrimeve janë Kukësi me vetëm 139 biznese të reja, ndjekur nga Qarku Dibër dhe Gjirokastra.
Por cilët jnë sektorët me më shumë interes për të investuar në hapjen e një biznesi?
Në vend të parë renditet tregtia më shumicë dhe pakicë me 27.8% të totalit të bizneseve të regjistruara; pason akomodimi, shërbimi ushqimor, si dhe shërbimet administrative dhe ndërtimi. Ndërkohë që më pak biznese janë hapur në aktivitetet financiare si dhe në ato të arteve, argëtimit dhe clodhjes.
