LIGJET E BIZNESIT
Një natë plot emocione, spektakël dhe surpriza është kurorëzuar me fitoren e Austrisë në edicionin e 69-të të Eurovision Song Contest, mbajtur këtë vit në Bazel të Zvicrës. Me një performancë magjepsëse dhe plot stil, përfaqësuesja austriake rrëmbeu zemrat e publikut dhe jurive, duke grumbulluar 436 pikë dhe u shpall fituese e padiskutueshme e këtij edicioni.
Në një garë tejet të ngushtë për vendin e parë, Izraeli u pozicionua i dyti me 357 pikë, duke lënë pas një sërë shtetesh të forta të këtij viti.
Por surpriza më e këndshme për shqiptarët erdhi nga “Shkodra Elektronike” me këngën “Zjerm”, që vendosi një standard të ri për Shqipërinë në Eurovision. Me një stil modern, tinguj elektronikë të përpunuar mjeshtërisht dhe një performancë vizuale që elektrizoi skenën, Shqipëria arriti një pozicion historik, vendin e 8-të në renditjen finale.
“Zjerm” ndezi Europën, 173 pikë nga publiku
Ndërkohë që juritë i dhanë Shqipërisë 45 pikë, ishte televotimi ai që konfirmoi dashurinë e publikut për performancën shqiptare, 173 pikë, një nga mbështetjet më të fuqishme që vendi ynë ka marrë ndonjëherë në këtë garë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Në total, Shqipëria grumbulloi 218 pikë, duke e lënë pas shumë shtete që tradicionalisht renditen më lart dhe duke siguruar një vend të merituar mes më të mirëve të këtij viti.
