LIGJET E BIZNESIT
Nga Aurora Sulce, Producente Ekzekutive për Biznesin në A2 CNN
Proceset zgjedhore ndikojnë gjithmonë ekonominë, në vendimarrjen e bizneseve dhe qytetarëve, por edhe në qasjen e qeverisë dhe mënyrës sesi bëhet fushata. Një ndikim negative con në spotim të punëve të sipërmarjes dhe rrjedhimisht edhe të konsumit të qytëtarëëve, teksa e kudnërta ndodh me fushatat e pasura, ku hidhet konsiderueshëm para në qarkullim.
Me cilën skenar përballet ekonomia jonë në prag të zgjedhjeve parlamnetare të 11 majit?
Shqipëria pritet të regjistrojë këtë vit një rritje ekonomike 3.9%, në të njëjtin nivel me atë të shënuar vitin e kaluar. Në një situatë globale të trazuar, me një luftë tregtare që ka nisur tashmë, institucionet financiare ndërkombëtare, si FMN, Banka Botërore apo BERZH janë shprehur optimiste për ecurinë e ekonomisë sonë. Kjo duke marrë parasysh ndikimin e zgjedhjeve.
Por cfarë pritet të ndodhë teksa 11 maji po afron?
Në periudha zgjedhore shpenzimet publike rriten dhe rrjedhimisht, shtohen kontratat e punës për bizneset kryesisht në ndërtim dhe në sektorin e shërbimeve. Paralelisht, në qarkullim hidhen dhe paratë që shpenzojnë partitë për fushatë. Shtimi i sasisë së lekut në ekonomi ndikon tek kursi I këmbimit, duke shtuar presionin për rritjen e euros. Nga ana tjetër, mënyra sesi zhvillohet fushata ndikon tek vendimarja e investitorëve, të cilët kanë nevojë për qetësi dhe stabilitet. Të njëjtën psikologji kanë edhe qytetarët, në raport me konsumin.
Nga ana tjetër, në muajt para zgjedhjeve qeveria pritet të ndërmarrë politika sociale, kryesisht kundrejt shtresave më vulnerabël. Të cilat nuk munguan as kësaj rradhë
Politika të tilla ishin bonuset për pensionistët, bonusi i fundvitit për të varfërit dhe rritja e pagave për administratën publike.
Një vlerësim pozitiv për ecurinë e ekonomisë ka bërë këtë javë edhe Fondi Monetar Ndërkombëtar, që e rriti në 3.8% parashikimin për rritjen e ekonomisë shqiptare këtë vit.
