Të hënën Konferenca e Dytë Ndërqeveritare me BE. Ja grupkapitulli që hapet

Ditën e hënë do të mbahet në Luksemburg Konferenca e Katërt Ndërqeveritare e Shqipërisë me Bashkimin Evropian për hapjen e grupkapitullit të dytë të acquis së BE (pra klasterit të dytë të trupës së legjislacionit të Bashkimit Evropian).

Takimi do të shërbejë për hapjen e negociatave me Shqipërinë për grupkapitullin që ka të bëjë me tregun e brendshëm dhe që përfshin 9 kapituj, duke filluar me katër liritë e lëvizjes, pra lëvizjen e lirë të mallrave, punëtorëve, kapitalit, shërbimeve dhe duke kaluar tek e drejta e kompanive, ligji i pronësisë aktuale, politika e konkurrencës, shërbimet financiare, si dhe mbrojtja e konsumatorëve dhe shëndetit.

Për t’u anëtarësuar në BE, Shqipëria duhet të përafrojë legjislacionin e saj me atë të Bashkimit Evropian sipas 6 grupkapitujve të legjislacionit të BE (EU acquis). Deri tani janë hapur vetëm 2 grupkapituj, grupkapitulli 1 “Themelorët” që lidhet më tepër me sundimin e ligjit dhe shtetin e së drejtës, i cili konsiderohet më i vështiri për t’u mbyllur, ndërsa në dhjetor 2024 u hap edhe grupkapitulli 6 për marrëdhëniet me jashtë, i cilësuar si më i thjeshti, pasi ka vetëm 2 kapituj.

Me hapjen e negociatave për grupkapitullin 2 të Tregut të Brendshëm, Shqipërisë i mbeten edhe 3 grupkapituj të tjerë për të hapur, të cilët lidhen me burimet, buqësinë dhe kohezionin, agjendën e gjelbër dhe lidhjen e qëndrueshme, konkurrueshmërinë dhe rritjen gjithëpërfshirëse.