LIGJET E BIZNESIT
Ish-ministri i Ekonomisë, profesor akademik, Anasatas Angjeli është i mendimit se aplikimi i tarifave 10% për eksportet shqiptare drejt SHBA-ve është një tarifë reciprociteti, pasi edhe Shqipëria takson me 10% mallrat amerikanë.
Edhe pse e lajmëroi më herët, një polikë e tillë mund të konsiderohet si një “luftë tregtare” fundi i të cilës është vështirë të parashikohet.
Megjithatë me hyrjen në fuqi të tarifave të shtunën, kjo javë mund të konsiderohet më humbjet më të mëdha në bursat ndërkombëtare që pas viti 2020 të pandemisë. Por sa kërcënohemi nga një rritje çmimesh?
“Teorikisht tarifat e larta, konvergojnë në një pikë, tek çmimi i produkteve dhe mallrave, që në fund të fundit paguhen nga konsumatorët. Pra do të ketë një rritje çmimi dhe kjo rritje e çmimit në momentet e para shoqërohet me inflacion. Ekonomistët më të njohur analizojnë se do të ketë një rritje çmimesh, por nuk do të jetë e tillë që do të sjellë përmasa të larta inflacioni, pasi do të aplikohet një herë dhe më pas tregjet do të stabilizohen”, tha Angjeli në emisionin “E-ZONE”.
Sipas akademikut Angjeli, përmasat e një luftë tregtare do të shihen me qëndrimin që do të mbajnë shtetet e prekura. Nëse vendet do të kundërpërgjigjen me të njëjtën monedhë, sikundër kanë paralajmëruar atëherë tregjet përfshihen në pasiguri dhe kostot që përkthen në inflacion
“Në aspektin afatshkurtër nuk presin ne si ekonomi shqiptare të kemi impakt negativ, për shkak të eksporteve në vlerë të ulët. Por nëse Bashkimi Europian dhe vendet partnere me të cilat ne kemi marrëdhënie ekonomike do të përfshihen në vorbullën e rritje së kostove, për shkak të tarifave amerikane atëherë edhe tregu shqiptar do të impaktohet në përcjelljen e këtyre kostove”, tha Anastas Angjeli.
Aplikimi i tarifave amerikane, që njihet me emrin “Plani i çlirimit” sipas ekspertëve mund të rikonfigurojë tregtinë mes vendeve./ vizionplus.tv
STRUKTURA E EKSPORTEVE SIPAS VENDEVE
STRUKTURA E IMPORTEVE SIPAS VENDEVE
