Tarifat e Trump trondisin tregjet, “fundoset” dollari

Tregjet financiare ndrëkombëtare kanë marrë një goditje të fortë pas lajmit të sotëm të presidentit Donald Trump për të vendosur tarifa tregtare me të gjithë botën. Efektet janë ndjerë edhe tek kursi i këmbimit.

Dollari amerikan ka humbur ndjeshëm pikë, duke pasqyruar pozitat e një monedhe të dobët. Sipas kursit të Bankës së Shqipërisë, dollari ka rënë në 90.2 lekë, duke humbur 1.65 lekë kundrejt një dite më parë. Rënia e dollarit pritet të vijojë, përsa kohë do të jetë ende “e freskët” stuhia e shkaktuar nga Shtetet e Bashkuara të Amerikës.

Kursi i kembimit USD/lek (03.03.2025-03.04.2025)

Në projeksion të kundërt me dollarin paraqitet euro. Monedha euuropiane ka fitur pikë në tregun tonë të këmbimit. Euro shkëmbehet me 99.4 lekë, ose 0.22 lekë më shumë se një ditë më parë. Përsa i përket valutave të tjera, ato kanë pësuar luhatje të vogla.