Tarifat e SHBA fusin ‘në sherr’ Trump dhe Elon Musk? Miliarderi sulmon këshilltarin e Presidentit: I marrë!

Miliarderi Elon Musk ka sulmuar këshilltarin e lartë të Donald Trump, Peter Navarro, duke e quajtur atë një “të marrë”.

Sipas mediave të huaja, kjo ishte një shenjë e çarjeve në administratën e Presidentit. Nga ana tjetër, në një intervistë me CNBC, Navarro tha se kur bëhej fjalë për tarifat dhe tregtinë, Musk ishte një “montues makinash” jo një “prodhues”.

“Musk dëshiron pjesë të huaja të lira, por ne i duam ato në shtëpi,” tha ai.

Komentet qartazi hynë ‘nën lëkurën’ e shefit ekzekutiv të Tesla, pasi këtë e treguan edhe replikat në rrjetin social ‘X’.

Më herët, Washington Post duke cituar dy burime, raportoi se Musk i kishte kërkuar drejtpërdrejt Trumpit të kthente mbrapsht tarifat e tij.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Kujtojmë se dje Musk ndau një video në rrjetin social ‘X’ në mbështetje të tregtisë së lirë, ç’ka ishte një tjetër shenjë e mosmarrëveshjes së tij me Presidentin.