Skandali i mishit me salmonelë, dorëhiqet drejtori i AKU së Tiranës

Pas skandalit me 8 tonë mish salmonelë që u hodh në treg, ikën drejtori i Autoritetit Kombëtar të Ushqimit në Tiranë, Fatjon Pasholli. Ai ka dhënë dorëheqjen nga ky post të premten e 4 prillit, por nuk komenton arsyet.

Në vend të Pashollit është komanduar Alketa Hoxha. Kjo e fundit ka mbajtur postin e drejtores juridike në AKU-në e Përgjithshme.

Fatjon Pasholli i kontaktuar nga media thotë se ka dhënë dorëheqjen nga ky post të premten e 4 prillit, por nuk komenton arsyet.

Viti 2025 ka nisur me një sërë rastesh që kanë ngritur alarmin për sigurinë ushqimore që nga rasti me mandarinat shqiptare me pesticide të rrezikshme që u kthyen në Shqipëri por ndryshe nga sa u tha se u asgjësuan në fakt kishin dalë në treg.
Më pas ishte rasti i peshkut të identifikuar me parazit, që pasoi me ngarkesën 8 tonë të mishit me salmonelë që erdhi nga Brazili, dhe u shit në tregun vendas një pjesë. Ndërsa përgjatë muajit shkurt, mars dhe ditët e para të prillit ngarkesat me luleshtrydhe me pesticide janë kthyer në rrezik për konsumatorët pasi janë me pesticide.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern