LIGJET E BIZNESIT
Situata e ekonomisë shqiptare, sfidat e problemet por edhe çfarë premton Partia Socialiste janë diskutuar në studion e A2 Business të gazetares Aurora Sulce. Në një intervistë ekskluzive ministri i Financave, Petrit Malaj bëri një historik të zhvillimeve ekonomike që kur PS mori pushtetin dhe deri më sot.
Sipas tij, ekonomia shqiptare ka pasur transformim të rëndësishëm gjatë dekadës së fundit me rritjen e PPB, ulje e papunësisë, tërheqja e investimeve të huaja direkte dhe reforma në sektorin publik për pagat.
“Në 2013 arka ishte bosh borxhi publik ishte 70% reformat kanqë qenë të rëndësishme për këtë transformim. Rritja ekonomike 3.96% dhe PPB është trefishuar që kur PS mori detyrën në 2013 ishte 9.6 mld euro në 2013 kurse në 24 25 mld euro gjatë mandatit të kartë të shkojë 35 mld euro.
Papunësia kur morëm detyrën ishte 17.5%, kurse sot është në nivelin më të ulët historik në masën 8.8% dhe në mandatin e katër ta çojmë në 6.6%. Investimet e huaja direkte ishin 950 mln euro ndërsa sot 1.6 mld, ndërsa stok është 15.4 mld euro.
Reforma në sektorin e pagave ka rritje të pagës me 26% të pagës mesatare bruto. Një nga arsyet që ndërmorëm reformën e pagave është që të ushtronim presion edhe në sektorin privat që të jetë konkurrues në tregun e punës”.
Përpos këtyre, cilat janë problemet dhe sfidat kryesore të ekonomisë shqiptare? Ministri shpjegon se janë 4 sfida që prekin të gjitha ekonomitë botërore nga demografia që është sfida kryesore te digjitalizimi, kushtet klimaterike dhe gjeopolitika.
“Sfidat kryesore janë sfidat që prekin të gjithë ekonomitë botërore si; demografia, digjitalizimi janë kushtet klimaterike si dhe gjeopolitika.
Ndër këto 4 sfida kryesore është demografia që ekspozon ekonominë. Qeveria ka marrë një sërë masash për të kufizuar largimin e fuqisë punëtore nga Shqipëria për këtë është marrë reforma e pagave që ka rritur të ardhurat dhe po marrim iniciativa me diasporën ku organizojmë panaire pune që t’u ofrojmë shqiptarëve të kthehen dhe të punojnë në Shqipëri ku mund të jenë më të mirëpaguar se në vendet që janë”.
Sa i takon programit ekonomik të Partisë Socialiste për zgjedhjet e 11 majit, Malaj tha se rritja e pensioneve dhe pagave janë pikat kryesore, por edhe rishikim i politikave tatimore.
“Kur morëm detyrën paga minimale ishte 157 euro, kurse sot është 400 dhe PS ka vendosur që brenda 2026 ta çojë në 500 euro. Barra fiskale e biznesit është më e ulët se në rajon. Nuk do të ketë më pensione nën 200 euro.
Rishikim i politikave tatimore po bëhet me dy plane; përjashtimi i të gjitha përjashtimeve ekzistuese dhe po shihet nëse këto përjashtime e norma të reduktuara janë në përputhje me direktivat e BE do bëhet analizë e këtyre komponentëve dhe do vendoset bashkë me FMN nëse do të qëndrojnë ose do të hiqen”./A2 CNN
