LIGJET E BIZNESIT
Nga Aurora Sulce, producente Ekzekutive për Biznesin në A2 CNN
Shqiptarët po përballen me rritjen e cmimeve, një ecuri që po ndikohet kryesisht nga faktorët e brendshëm dhe jo nga situata në botë, ku kryefjala janë tarifat e Trump. Ndonëse këto të fundit paralajmërojnë një krizë të re cmimesh.
Të dhënat e fundit zyrtare tregojnë se në mars inflacioni, treguesi që dëshmon për rritjen e cmimeve, arriti në 2.1% nga 1.9% që ishte në shkurt dhe duke qenë pak a shumë në të njëjtat nivele krahasuar me të njëjtën periudhë të një viti më parë.
Por cilët janë grupet që kanë ndikuar në rritjen e cmimeve?
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Rezulton se ndikimin kryesisht e kanë dhënë ushqimet, të cilat janë shtrenujtuar më shumë kundrejt mallrave dhe produkteve të tjera. Pasojnë pijet alkoolike dhe duhani; veshjet dhe këpucët, mobiljet e shtëpisë etj.
Familjet shqiptare përdorin rreth 38% të buxhetit të tyre mujor për ushqim. Ndërkohë që tek pensionistët, apo familjet e varfra pesha që zënë ushqimet është edhe më e madhe dhe kapërcen 60% të totalit të të ardhurave mujore. Kjo do të thotë se cdo rritje cmimi e ushqimeve ndihet pa përjashtim tek të gjithë.
(GR 3) Në mars, cmimet e ushqimeve janë rritur me 3%, rritja më e madhe që prej fillimit të këtij viti. Madje, inflacioni i produkeve ushqimore në këtë periudhë rezulton të jetë ndjeshëm më i lartë se inflacioni i përgjithshëm.
Kjo do të thotë se të gjithëve na janë dashur më shumë para për t’u ushqyer dhe jetuar.
