Rama: Paga minimale do të bëhet 500 euro, do të njoftojmë biznesin

Kryeministri Rama ka ripërsëritur premtimin për të rritur pagën minimale në 500 euro duke filluar nga janari i vitit të ardhshëm. Kreu i qeverisë deklaroi sot në rubrikën “Sy m’sy” në facebook se për këtë vendim do të njoftohen edhe kompanitë private.

“Paga mesatare në Shqipëri 1250 euro në sektorin publik dhe 1000 euro paga e kombinuar. Jemi në kushtet kur pagën mesatare të përgjithshme e kemi rritur më shumë se dy herë e gjysmë. Jemi pikërisht në këto shifra dhe arsyeja pse ne votohemi masivisht është se ka numër të madh njerëzish që gjërat i kanë para syve. Kur unë them që paga minimale ishte 157 euro, është 400 euro, ata që e kanë pagën minimale e dinë shumë mirë se çfarë flas. Në qershor do u përcjellim kompanive vendimin që paga minimale do të jetë 500 euro janarin e ardhshëm. Njerëzit e dinë”, deklaroi Rama.

Vlen të theksohet se ky premtim mund të realizohet vetëm nëse socialistët fitojnë një mandate të katërt në zgjedhjet parlamentare të 11 majit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern