LIGJET E BIZNESIT
Siguria ushqimore është shndërruar në problemin kryesor që kërcënon jetën e shqiptarëve. Vetëm muajin e fundit kemi pasur ratsin e mishit të pulës me salmonelë, luleshtrydheve me pesticide dhe së fundmi, edhe qumshtit me aflatoksinë. Por pse ndodhemi në këtë situatë alarmante?
Eksperti i sigurisë, Ervin Resuli ka deklaruar në podcastin Money Hour, të moderuar nga Aurora Sulce dhe Ergis Sefa se kompanitë janë favorizuar me urdhëra ministrash, duke ekspozuar konsumatorët ndaj rrezqieve.
“Në vitet e fundit ne kemi vënë re që një pjesë e mirë e urdhrave të ministrit apo udhëzimeve apo pse jo, edhe ligjeve ndonjëherë janë bërë me porosi në vendin tonë. Pra, ka një urdhër ministri të dedikuar që favorizon një spektër të caktuar biznesi, duke ekspozuar p.sh konsumatorin.
Po flasim për idnustrinë e mishit dhe po ju jap një statistikë në fakt, meqënëse jemi me Aurorën me ekonominë këtu. Janë 250 deri më 300 milionë euro importe mishi nga Brazili, Argjentina, Amerika dhe Kanadaja. Pra, po flasim për një supërfuqi apo industi të madhe, e cila në gjykimin tim, pa lindur ajo që quhet dyshim i arsyeshëm, ka ndikuar që të lehtësohet kjo”, shprehet Resuli.
Ai shpjegon se me urdhëra dhe ligje me porosi janë favporizuar edhe importet në dëm të prodhimit vendas. “Në fakt ne kemi rënie të fundit pas 2019-ës përsa i përket prodhimit të mishit. Ne zëra si brolejrin shkojmë deri në 50% të prodhimit vendor, pra mishit të shpendit. Ndërsa produktet e tjera, nuk i kalojmë të paktën 30% të prodhimit të mishit”, deklaron Resuli.
Eksperti i sigurisë ushqimore ka shpjeguar gjerësisht në podcast skemat sesi favorizohen kompanitë dhe cfarë duhet të kenë parasysh konsumatorët për të mbrojtur veten.
Podcastin Money Hour të portalit ekonomik Fast News Economy mund ta ndiqni në kanalin e Fast News Economy në youtube në linkun e mëposhtëm:
https://www.youtube.com/@fastnewseconomy/featured
