LIGJET E BIZNESIT
Gjiganti i videostreaming-ut Netflix ka tejkaluar pritshmëritë e tregut, duke raportuar një rritje të ndjeshme të të ardhurave dhe fitimeve për tremujorin e fundit. Të ardhurat u rritën me 12.5% në krahasim me një vit më parë, duke arritur 10.5 miliardë dollarë, ndërsa fitimi neto u rrit me 24%, duke shkuar në 2.89 miliardë dollarë.
Kompania kaloi gjithashtu çdo parashikim për fitimin për aksion, një tregues kyç për investitorët, me 6.61 dollarë për aksion, shumë më lart se pritshmëria prej 5.70 dollarësh. Kjo performancë çoi në një rritje prej mbi 4% të vlerës së aksioneve në tregun pas mbylljes së bursës.
Për herë të parë, Netflix nuk publikoi të dhëna mbi numrin e abonentëve, duke zhvendosur fokusin tek rezultatet financiare. Megjithatë, kompania mbylli vitin 2024 me 301.6 milionë familje abonente dhe vetëm në fundvit, periudhë festive e shoqëruar me transmetime të drejtpërdrejta nga NFL, shtoi afro 19 milionë përdorues të rinj.
Në tregjet ku ofrohet një paketë më e lirë me reklama, 55% e abonentëve të rinj zgjodhën pikërisht atë opsion. Brenda tre muajsh, numri i përdoruesve të modelit me reklama u rrit me 30%.
Por lajmi që po trondit industrinë e filmit është vendimi i Netflix për të integruar Inteligjencën Artificiale në procesin e prodhimit, veçanërisht për efekte speciale më të lira. Kjo lëvizje ka nxitur frikë në radhët e profesionistëve të kinemasë, të cilët paralajmërojnë për humbje të vendeve të punës dhe rrezik për cilësinë artistike të përmbajtjes.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Në një industri të ndërtuar mbi kreativitetin njerëzor, a po troket AI në derën e fundit të kinemasë siç e njohim sot?/ Business Insider DE
