LIGJET E BIZNESIT
Pas një dite me reshje bore në zonat malore, java ka nisur e kthjellët dhe me temperatura tipike dimri. Meteorologia Tanja Porja bëri të ditur se reshje të izoluara dëbore do të ketë edhe përgjatë ditës së sotme në juglindje të vendit.
“Kjo javë kryesisht e kthjellët dhe e ftohtë. Ka ende prezencë të reshjeve të dëborës në zonat malore. Flokë të izoluar dëbore në juglindje kryesisht në zonat kufitare”.
Sipas saj, temperaturat janë ulur në minus 4 gradë celsius në zonat malore dhe vetëm nga mesi i javës fillon rritja e vlerave termike.
“Termometri ka shënuar rënie të theksuar, ka zbritur në minus 3 dhe minus 4 gradë në zonat malore. Në brendësi të territorit në 1 gradë. Vetëm nga e mërkura e në vijim fillon rritja e vlerave termike”.
E njëjta situatë me temperatura tipike dimri sipas saj paraqitet edhe në Ballkan.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Meteorologia parashikon që moti të mbetet i kthjellët deri të enjten, kur shtohen vranësirat, por do të ndihet edhe rritja e temperaturave. Maksimumi sipas saj, mund të ngjitet në 20 gradë.
Reshjet e dëborës përfshinë një ditë më parë të gjithë juglindjen e vendit, madje në zonat malore trashësia ka shkuar nga 5-10 cm./A2 CNN
