LIGJET E BIZNESIT
Sipas shifrave referuar raportit vjetor të Departamentit të Administratës Publike, për vitin 2024 ka patur mesatarisht rreth 17.55 aplikime për një pozicion pune në shërbimin civil. Ky tregues llogaritet bazuar në numrin e aplikimeve total për pozicione të shpalluara.
Nisur nga atë dhënat e raportit për vitin 2024 janë regjistruar rreth 26 mijë aplikime në total për 1.510 pozicione të shpalluar gjithsej. Nga 26 mijë aplikime në total, janë kualifikuar për vijimin e procedurave, pas plotësimit të kritereve për pozicionet e shpallura vetëm 54% e tyre. Kur flasim për numrin e aplikantëve të cilët janë të kualifikuar, numri i tyre zbret mesatrisht në 9.4 aplikantë për një pozicion për vitin 2024.
“Scan Intel” e ka analizuar këtë tregues ndër vite për të parë se si ka qenë tendenca e numrit të aplikimeve në administratën publike. Karahasuar me vitin 2023 numri mesatar i aplikimeve për një pozicion është rritur me gati 4 aplikime më shumë, nga 13.5 që ishin mesatarisht një vit më parë.
Referuar periudhës nga viti 2001 deri në vitin 2024 rekordi i numrit të aplikime regjistrohet në vitin 2020 me 24 aplikime për pozicion. Në gati 24 vite në total të marra në analizë vitet me numrin më të lartë të aplikime, përveç rekordit të vitit 2020, rezultojnë viti 2018-të me 22 aplikantë, viti 2017-të me 18 aplikantë dhe viti 2022 me 17.9 aplikantë.
Numri mesatar i aplikantëve për pozicion në administratë, 2001-2024
