LIGJET E BIZNESIT
Qeveria ka propozuar lehtësira për të huajt që dëshirojnë të punësohen në Shqipëri. Dokumenti parashikon dhënien e kartës blu për profesionistët, por jnë parashikuar përfitime për çdo kategori përfshirë dhe studentët. Punëtorët e huaj të kualifikuar që duan të punojnë në Shqipëri, do të pajisen me një leje unike që quhet karta Blu Al.
Kjo parashikohet në draftin e depozituar në Kuvend që përcakton se për ta përfituar, punonjësit duhet të kenë një kontratë pune që kërkon aftësi të larta. Projektligji parashikon lehtësira edhe për të huajt që nuk kanë një profesion të caktuar, por dëshirojnë të punësohen. Edhe për punonjësit sezonalë dhe ata shtëpiakë, do të ketë leje unike.
Aplikimi kërkohet të bëhet vetëm online nëpërmjet portalit e-Albania. Një tjetër ndryshim është edhe shtimi i periudhës së përjashtimit nga penalitetet për ata të cilët e tejkalojnë afatin e qëndrimit dhe lehtësimin e procedurave për viza afatshkurtra dhe ato transit.
Studentet dhe kërkuesit shkencore do të kenë mundësinë më të thjeshtuara për të qëndruar në Shqipëri. Si argument për këtë nismë, është paraqitur përshtatja me legjislacionin evropian, por vjen dhe në një kohë kur ka rritje të kërkesës për krah pune sidomos në sektorin e turizmit dhe shërbimeve.
Por ajo që ekspertët dhe bizneset kanë konstatuar në 2 vitet e fundit, është se në shumicën e rasteve, edhe ata të huaj që kanë zgjedhur Shqipërinë për të punuar, pas vetëm pak muajsh janë larguar në drejtim të vendeve të Europës.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Shqipëria është përdorur si trampolinë për të ikur drejt BE, ose janë kthyer mbrapsht ne vendin e origjinës. Të dhënat e Agjencisë Kombëtare e Punësimit, tregojnë se në vendin tone janë punësuar mbi 13 mijë shtetas të huaj./Tv Scan
