AI do të dyfishojë kërkesën për energji deri në vitin 2030. Koha për të kthyer centralet bërthamore?

Zhvillimi dhe përhapja e inteligjencës artificiale është përshpejtuar në vitet e fundit, duke ngritur pyetjen se çfarë do të nënkuptojë përdorimi masiv i kësaj teknologjie për sektorin e energjisë. Nuk ka AI pa energji, konkretisht elektricitet për qendrat e të dhënave.

Në të njëjtën kohë, AI mund të transformojë mënyrën se si operon industria e energjisë nëse adoptohet në shkallë të gjerë. Megjithatë, deri tani, për politikanët dhe palët e tjera të interesuara shpesh kanë munguar mjetet për të analizuar të dyja anët e këtij problemi për shkak të mungesës së të dhënave gjithëpërfshirëse.

Një raport i fundit nga Agjencia Ndërkombëtare e Energjisë (IEA) nënvizon se përdorimi i AI është rritur shumë, duke e bërë atë një teknologji të rëndësishme për shumë industri, përfshirë prodhimin, transportin dhe mjekësinë. Investimet në qendrat e të dhënave janë rritur ndjeshëm që nga viti 2022, duke shkaktuar shqetësime për rritjen e kërkesës për energji elektrike.

Pritet që konsumi i energjisë nga këto qendra të dyfishohet deri në vitin 2030. Ndërkohë, burimet e rinovueshme dhe gazi natyror do të luajnë një rol kryesor në mbulimin e kësaj kërkese, por pritet që edhe energjia bërthamore të kontriubojë  gjithashtu.

Përparimi i AI ka ndikim të madh në sektore të ndryshëm, si industria e energjisë, ku mund të ndihmojë në optimizimin e proceseve dhe uljen e kostove. Megjithatë, ka pasiguri mbi mënyrën se si do të zhvillohet AI dhe se si mund të menaxhohet kërkesa e madhe për energji që sjell. Kjo kërkon një bashkëpunim të ngushtë midis sektorit të energjisë dhe teknologjisë për të maksimizuar përfitimet dhe për të menaxhuar rreziqet.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Raportin e plotë e gjeni këtu.