LIGJET E BIZNESIT
Miqësia dhe afërsia gjeografike nuk mjaftojnë për të bërë biznes… Vendi ‘i preferuar’ i Italianëve për të investuar, ‘Shqipëria’ tashmë nuk është ajo e 10-viteve më parë, pasi mungon fuqia punëtore me kosto të ulët dhe nga ana tjetër bizneset ankohen edhe për zhvlerësimin e valutave që ju ka shkaktuar humbje.
“Kur erdha në Shqipëri para 10 vitesh euro këmbehej me 140 lekë dhe sot ky kurs këmbimi është nën 100 lekë. Shqipëria është një vend në zhvillim dhe kjo është bukur, por ky vlerësim i lekut, ka bërë që të humbë me 30% avantazhi konkurrues që sipërmarrjet italiane kishin këtu. Mund të themi se oferta italiane për paga më të larta është përgjysmuar. Kjo ka sjellë përgjysmim të komunitetit italian këtu duke braktisur edhe projekte investimi të rëndësishme”, shprehet Sinkron Davide Rogai, presidenti ri i “Konfindustria Albania”.
Përparimi ekonomik i Shqipërisë dhe transformimi i saj sipas Konfidustria Albania, nuk duhet të kufizohet vetëm në programe sektoriale afatshkurta. Në prag të zgjedhjeve parlamentare bizneset italiane kërkojnë politika ekonomike më të qëndrueshme.
“Kemi anëtar në Shqipëri që kanë nevojë për kapital njerëzor të kualifikuar. Duhet siguri për të pasur rregulla të qëndrueshme, që të mos shohin vetëm deri në zgjedhjet e ardhshme por të shohin në perspektivë për 20-vitet e ardhshme, të ketë vizion afatgjatë”, tha Sergio Fontana ish president i Konfindustria Albania.
Këtyre shqetësimeve zëvendësministri i Ekonomisë Enkelejd Musabelliu, iu përgjigj përmes një projeksioni për të ardhmen e ekonomisë shqiptare në dyert e BE.
“Ky vend ka ecur me një ritëm shumë të shpejtë dhe e ardhmja ekonomike e Shqipërisë s’do jetë kjo që kemi sot. Në Shqipëri do të ketë më shumë industri dhe më pak shërbime. Për këtë po punojmë edhe për politikën industriale edhe në kuadër të integrimit në BE”, tha Enkelejd Musabelliu, zëvendësministër i MEKI.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Sipas të dhënave të INSTAT në Shqipëri ushtrojnë aktivitetin e tyre 2.875 biznese italiane, të përqendruar në sektorin e Industrisë përpunuese, Ndërtim, Tregti dhe Shërbime të tjera.
