Trafiku i uebit në rënie? Ja 4 ide të zgjuara për të tërhequr vizitorë të rinj online

Në një botë ku uebi është plot me përmbajtje dhe konkurrenca është më e ashpër se kurrë, të tërheqësh vizitiorë të rinj në faqen tënde të internetit mund të duket si një mision i pamundur. Por lajmi i mirë është që nuk ka një rrugë të vetme, por ka disa qasje kreative që mund të të ndihmojnë të dallohesh nga turma, dhe madje pa pasur një buxhet gjigant.

Në këtë udhëzues, do të gjesh katër strategji origjinale për të rritur trafikun e faqes tënde, për të ndërtuar një audiencë besnike dhe për t’i kthyer vizitorët e rastësishëm në vizitorë afatgjatë.

Faqja jote, përpara së gjithash, duhet të jetë miqësore për përdoruesin

E thjeshtë për ta thënë, por shumë biznese dështojnë në këtë pikë. Një faqe që të lë në pritje, apo është e vështirë për t’u përdorur dhe do t’i largojë klientët më shpejt.

Optimizimi nuk është vetëm për Google, është për njerëzit. Kur faqja jote është intuitive dhe e këndshme për përdoruesin, kjo përkthehet edhe në renditje më të mirë në motorët e kërkimit. Provoje vetë, vizito faqen tënde si një vizitor për herë të parë dhe shëno çdo pengesë që të del përpara.

Ndërto një listë email-esh me vlerë

Të gjithë thonë: “Abonohu për të marrë lajmet tona!”, por kush ka dëshirë të marrë edhe një email më shumë?

Këtu hyn kreativiteti, jep një arsye të fortë për t’u abonuar. Mund të jetë një zbritje prej 15% për porosinë e parë, qasje ekskluzive në produkte të reja apo përmbajtje që nuk gjendet askund tjetër. Një strategji e tillë funksionoi për Alicia Scott, që nisi nga zero dhe ndërtoi një biznes me vlerë miliarda dollarë.

Jep diçka falas, por me vlerë të lartë

Një “lead magnet” është ajo dhuratë që tërheq njerëzit drejt faqes tënde. Mund të jetë një eBook, një udhëzues ekskluziv apo një analizë e thelluar. Sekreti? Duhet të jetë puna jote më e mirë, edhe pse e ofron pa pagesë.

Kjo do t’u japë përdoruesve një shije të cilësisë që ofron marka jote. Dhe nëse diçka falas është kaq e mirë, imagjino çfarë ofron pjesa me pagesë…

Shko ti te audienca e konkurentëve

Po, e lexove mirë! Zbulo se kush po angazhohet me konkurentët e tu në rrjetet sociale dhe fillo t’i kontaktosh. Ndërvepro me komentet e tyre, jep përgjigje të zgjuara dhe ftoji të shikojnë çfarë ke ti për të ofruar.

Kjo metodë nuk është e zakonshme, por është jashtëzakonisht efektive për startup-et që kërkojnë të krijojnë një emër në treg. Shkurt, nëse audienca jote ideale është diku tjetër, shko dhe merre!
Në një ekonomi gjithnjë e më digjitale, të ndërtosh prezencë online kërkon më shumë se SEO dhe reklama. Kërkon ide të zgjuara, kreativitet dhe një strategji që ndërton besim. Përdor këto katër qasje si themel dhe shiko si trafiku i faqes tënde fillon të rritet, jo thjesht në numra, por në njerëz të interesuar që duan çfarë ofron ti./ Foundr