LIGJET E BIZNESIT
Agjencia ndërkombëtare e vlerësimit Standard & Poor’s vlerëson se ekonomia shqiptare është mjaftueshëm e shëndetshme për të shlyer huatë që merr. Për herë të dytë në harkun e një viti, institucioni që ndihmon investitorët të kuptojnë aftësinë e një shteti, kompanie apo institucioni për të shlyer borxhet ka rritur në “BB-“ vlerësimin për Shqipërinë nga “B+” që ishte.
“Duke parë përpara, parashikojmë që ekonomia shqiptare do të zgjerohet me një mesatare prej rreth 3.5% në vit gjatë periudhës 2024–2027. Megjithatë, ky parashikim mbetet i ndjeshëm ndaj rreziqeve të kahut negativ, veçanërisht atyre që lidhen me tregun e punës dhe me mundësinë e një dobësie të zgjatur ekonomike në Evropë”, vlerëson Standard & Poor’s.
Sipas metodologjisë së shkallëzuar të Standard & Poor’s që nis me notën “CG”, gati në faliment e që mbyllet me vlerësimin “AAA”, e barazvlefshme me e “e shkëlqyer”, Shqipëria renditet gati në mesin e piramidës. Ekonomia e vendit përcaktohet se ka “aftësi e kufizuar për pagesë”.
“Megjithatë, vlerësimi i Shqipërisë mbetet i kufizuar nga kuadri institucional relativisht i dobët, mundësitë e kufizuara të politikës monetare, dhe nevojat e moderuara për financim të jashtëm. Mbi 50% e borxhit të qeverisë është në monedhë të huaj ose me afat të shkurtër. Për më tepër, ekonomia përdor gjerësisht euron dhe është shumë informale”, thekson agjencia.
Por fotografia që Standard & Poor’s i bën ekonomisë shqiptare nuk është vetëm me ngjyra. Në një kohë që qeveria po e përdor si “kalë beteje” për zgjedhjet e 11 majit, agjencia paralajmëron se “ëndrra europiane” mund të mbesë në sirtar edhe përtej 2030-s.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Pa një përpjekje të konsiderueshme për të përshpejtuar ritmin e reformave, ne e konsiderojmë të pamundur që Shqipëria të jetë e pranueshme për anëtarësim në BE përpara vitit 2030”, deklaron Standard & Poor’s
Në 23 mars 2024, shërbimi ndërkombëtar i analizimit të cilësisë së borxheve përmirësoi për herë të parë vlerësimin afatgjatë të kreditit sovran të Shqipërisë në ‘BB-‘ nga ‘B+’, duke theksuar përmirësimin e pozicionit fiskal dhe të jashtëm të vendit.
