Rama investitorëve të huaj: Blini sot qoftë edhe një gur në Shqipëri, nesër mund të jetë vonë

Kryeministri Edi Rama u bëri thirrje investitorëve të huaj të investojnë sa më shpejt në Shqipëri, pasi është një mundësi e artë që, sipas tij, nuk do të përsëritet. Në fjalën e tij në konferencën “Match-Maker Albania 2025”, me mbi 1000 pjesëmarrës nga 37 shtete, Rama tha se “është koha për të investuar në Shqipëri”.

“Është koha për të blerë qoftë edhe një gur në Shqipëri, sepse nesër mund të jetë vonë. Nesër të gjithë do të duan të blejnë dhe do të jetë shumë e shtrenjtë për shumicën prej jush. Kështu që çfarëdo doni të blini, blijeni tani. Është një moment kur Shqipëria nis të lulëzojë dhe ende nuk është plotësisht e njohur për potencialin që ka, por kur të gjithë ta marrin vesh, nuk do të jetë më aq e lehtë sa është sot”, u shpreh kryeministri.

Në konferencë morën pjesë investitorë, agjenci zhvillimi dhe eksportues shqiptarë për investimet në turizëm, pasuri të paluajtshme dhe infrastrukturë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern