Qytetarët mbushin arkën e shtetit, më shumë të ardhura nga rritja e cmimeve dhe pagat

Qytetarët janë ata që kanë paguar më shumë se bizneset në këtë fillim viti. Të dhënat e Ministrisë së Financave tregojnë se në janar, në buxhetin e shtetit të ardhurat arritën në rreth 60.8 miliardë lekë ose 97.2 % e planit të periudhës. Krahasuar me të njëjtën periudhë të një viti më parë, u mblodhën rreth 6.3 miliardë lekë ose 11.6 % më shumë.
Të ardhurat e arkëtuara nga Tatimet dhe Doganat pa kontributet në janar shënuan 40.2 miliardë lekë, me rritje 3.8 miliardë lekë ose 10.5% më shumë se e njëjta periudhë e një viti më parë.

Të dhënat e detajuara tregojnë se taksat kryesore që kanë ndikuar në rritjen e të ardhurave janë TVSH-ja që paguhet në masën 20% mbi cdo produkt që blejnë qytetarët dhe të ardhurat nga pagat.

Kështu, të ardhurat nga TVSH në import për muajin janar janë 10.7 miliardë lekë, 837 milionë lekë ose 8.5% më shumë se e njëjta periudhë e një viti më parë, si dhe realizim sa plani i periudhës.
Të ardhurat nga akciza janë realizuar në masën 4.9 miliardë lekë, 567 milionë lekë ose 13.2% më shumë se e njëjta periudhë e vitit 2024, si dhe realizim sa plani i akcizës muajin Janar 2025.
Të ardhurat nga renta minerare në eksport janë realizuar në vlerën 184 milionë lekë, sa e njëjta
Të ardhurat nga TVSH e arkëtuar (neto) u realizua në masën 11.3 miliardë lekë, 2.9 miliardë lekë ose 34.2% më shumë se Janari 2024, dhe realizim sa plani i periudhës. Rimbursimet për periudhën Janar 2025 janë 710 milionë lekë, në përputhje me planin e periudhës.
Të ardhurat e mbledhura nga tatimi mbi fitimin u realizuan në masën 626 milionë lekë.
Tatimi mbi të ardhurat personale është arkëtuar në vlerën 7.1 miliardë lekë, 1.4 milardë lekë ose 25% më shumë se Janari 2024.
Taksat nacionale, për peridhën Janar 2025, u realizuan në masën 4.7 miliardë lekë, 397 milionë lekë ose 9.2% më shumë se Janari 2024 , si dhe 219 milionë lek ose 4.8% më shumë se plani për Janarin 2025.
Të ardhurat nga fondet speciale, sigurimet shoqërore dhe shëndetësore, të mbledhura nga Administrata Tatimore, ISSH dhe FSDKSH u realizuan në masën 16.2 miliardë lek, 1.5 miliardë lekë ose 9.8% më shumë se Janari 2024, si dhe realizim në masën 99.8% të planit.

Rritja e të ardhurave në janar është një sinjal pozitiv për ecurinë positive edhe në muajt në vijim, ku të ardhurat nga TVSH-ja pritet të mbajnë peshën kryesore, për shkak edhe të shtimit të numrit të turistëve.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern