Punimet në hyrje të Shkodrës, IKMT aksion për prishjen e ndërtimeve

Në Shkodër vijon aksioni i prishjeve të ndërtimeve për lirimin e hapësirave në kuadër të projektit të hyrjes së qytetit.

Drejtori i IKMT për rajonin e Shkodrës Emiljano Nika shprehet se pas daljes së shpronësimeve tashmë janë 10 objekte të cilat do të prishen përgjatë gjithë vijës së sheshit të ndërtimit të hyrjes së qytetit.

Nika tha se është gjetur mirëkuptimi me pronarët e këtyre objekteve.

Ndërkohë drejtori Nika u shpreh se vijon aksioni edhe për lirimin e liqenit të Shkodrës.

“Kanë përfunduar të gjitha procedurat e shpronësimit dhe sot fillojmë punën për prishjen e të gjitha objekteve që bëhen pengesë për realizimin e projektit “Rikualifikim i hyrjes së qytetit dhe bregut perëndimor të liqenit të Shkodrës”. Janë 10 objekte të shpronësuara që do të prishen sot. Paralelisht vijojmë aksionin pa ndërprerje për pastrimin e liqenit dhe shtratit të lumit Buna”, tha Nika për mediat.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern